Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty
Aimaq

Baizaq aýdanynda jarylystan zardap shekken 127 nysan jóndeldi

Ult portaly
Baizaq aýdanynda jarylystan zardap shekken 127 nysan jóndeldi


Baizaq aýdanyndaǵy oqiǵa kezinde zardap shekken 127 nysan qalpyna keltirildi, dep habarlaidy QazAqparat.

Tótenshe jaǵdai kezinde barlyǵy 176 jyljymaityn múlik zardap shekken desek, onyń ishinde 159 turǵyn úi, 12 kommertsiialyq, 4 áleýmettik jáne 1 infraqurylymdyq nysan (jol) bar. 35 úi men 12 kommertsiialyq nysan aitarlyqtai búlingen. 48 nysan boiynsha qorytyndy alynǵan.

Búginde qalpyna keltirý sharasyna 12 merdigerlik uiymnyń 22 tehnikasy men 187 jumysshysy jumyldyrylǵan. 

Jeńil zardap shekken 124 turǵyn úi men 3 áleýmettik nysan tolyǵymen qalpyna keltirildi.

Bul týraly aimaq basshysy Berdibek Saparbaev BAQ ókilderiniń qatysýymen ótken brifing barysynda habarlap, jóndeý, qaita qalpyna keltirý jumystary týraly baiandady.

«Zardap shekken nysandardy qalpyna keltirý boiynsha barlyq jumystar Memleket basshylyǵynyń baqylaýynda», - dedi Saparbaev.

Úkimettik komissiianyń tapsyrmasyna sáikes nysandardy tekserý jáne qalpyna keltirý úshin jergilikti atqarýshy organdarynan 5 jumys toby qurylyp, qurylys basqarmasynyń, QazQSǴZI, jobalaý uiymdarynyń jáne TJ qyzmetkerleri endi.

Seismikalyq qaýipti jaǵdaidaǵy Jibek joly aýylynyń №5 orta mektebine 150 oryndy jańa ǵimarat salý úshin jobalyq-smetalyq qujattama ázirlendi. 

Qurylysy qyzý júrip jatqan jańa bilim oshaǵy 2022 jyldyń qańtar aiynda paidalanýǵa beriledi dep kózdelip otyr.



«Jalpy 150 million teńge kólemindegi demeýshilik qoldaý esebinen 127 nysan qalpyna keltirildi. Al, aitarlyqtai zardap shekken nysandardy qalpyna keltirý úshin Úkimettik qordan 1,2 milliard teńge bólindi. Qalpyna keltirý jumystaryn aǵymdaǵy jyldyń 30 qazanyna deiin aiaqtaý josparlanýda»,- dedi aimaq basshysy.

Sondai-aq, demeýshilerden «Senim Baizaq» qoryna túsken qarjyǵa qosalqy sharýashylyq qurylystar men joldar jóndeledi.

Budan bólek, Berdibek Saparbaev mertikken 87 áskeri qyzmetshilerge, tótenshe jaǵdailar departamenti men prokýratýra qyzmetkerlerine oblys ákiminiń rezervinen 100 ailyq eseptik kórsetkish nemese 291,7 myń teńge mólsherinde jalpy somasy 25,4 million teńge materialdyq kómek bólinetinin jetkizdi.


Oqi otyryńyz