Jambyl oblysynyń ákimi Berdibek Saparbaev Baizaq aýdanynda "jergilikti aýqymdaǵy tehnogendik sipattaǵy tótenshe jaǵdaidy jariialaý" týraly sheshiminiń jobasyn "Ashyq NQA" saitynda jariia etip, onlain talqylaýǵa shyǵardy, dep habarlaidy KAZ.NUR.KZ.
"Jambyl oblysynyń Baizaq aýdany aýmaǵynda jergilikti aýqymdaǵy tehnogendik sipattaǵy tótenshe jaǵdai jariialansyn.
Tótenshe jaǵdaidy joiý basshysy bolyp oblys ákiminiń orynbasary T.Mamaev taǵaiyndalsyn jáne tehnogendik sipattaǵy tótenshe jaǵdaidy joiýǵa baǵyttalǵan is-sharalardy júrgizý tapsyrylsyn", - dep jazǵan Saparbaev joba mátininde.
Ol qujatta sheshimniń oryndalýyn baqylaýdy ózine qaldyratynyn jáne sheshim onyń alǵashqy resmi jariialanǵan kúninen bastap qoldanysqa engiziletinin atap ótken.
Aita ketsek, óńir basshysy Berdibek Saparbaev Jambyl oblysy, Baizaq aýdanynyń turǵyndaryna kómek retinde jergilikti biýdjetten qarajat bólinip, sondai-aq kómek kórsetýge demeýshiler de tartylatynyn málimdegen edi.
Eske sala keteiik, 26 tamyzda Jambyl oblysy Baizaq aýdanynda ornalasqan áskeri bólim qoimalarynyń biriniń mańynan órt shyǵyp, jarylys boldy.
Sońǵy málimetter boiynsha apat saldarynan kóz jumǵandar sany 15 adamǵa jetip otyr.
Bul jaittan keiin sol kezdegi qorǵanys ministri Nurlan Ermekbaev otstavkaǵa ketýge daiyn ekenin, alaida sońǵy sheshimdi prezident qabyldaitynyn aitqan edi.
31 tamyz kúni memleket basshysy Nurlan Ermekbaevtyń qyzmetten bosatý jónindegi ótinishin qabyldady.
