«Báiterek» jáne «QazAgro» holdingteriniń basshylary Aidar Áriphanov pen Erbol Qarashókeev tapsyrý aktisine jáne qosylý týraly shartqa qol qoidy, dep habarlaidy "Ult aqparat".
«Báiterek» UBH» AQ-dan málim etkendei, tapsyrý aktisin biylǵy jyldyń 15 naýryzynda bekitý kózdelgen.
«Qazaqstan Táýelsizdiginiń 30 jyldyq mereitoiy atap ótiletin, elimiz úshin asa mańyzdy jyly «Báiterek» holdingi jańa fýnktsiialarmen tolyqqan qýatty, tutas memlekettik holding retinde óz jumysyn jalǵastyrady.
Bizdiń aldymyzda úlken mindetter tur. Holding iske asyratyn memlekettik baǵdarlamalardyń sany artýda. Aldyńǵy kezekte – agroónerkásiptik keshendi damytýdyń memlekettik baǵdarlamasy. Bizdiń mindetimiz – qosylý protsesin fermerlerimiz asa sezinbeitindei etip, barynsha aýyrtpalyqsyz ótkizý. «QazAgronyń» aldynda turǵan barlyq mindetter, onyń ishinde kóktemgi egis jumystary, mal sharýashylyǵyn, ósimdik sharýashylyǵyn qoldaý jáne taǵy basqalar bizge ótip, nazardan tys qalmaidy. Jumys tiimdi ári sapaly bolý úshin bar kúshimizdi salamyz», - dedi Aidar Áriphanov.
Esterińizge sala keteiik, Memleket basshysynyń 2020 jylǵy 1 qyrkúiektegi Qazaqstan halqyna Joldaýyn iske asyrý aiasynda «Báiterek» holdingi men «QazAgro» holdingin qosý jolymen biryńǵai damý institýtyn qurý jumystary júrgizilýde. Sondai-aq, portfeldik kompaniialar 14-ten 7-ge deiin qysqartylyp, shtat sany tiisinshe túzetiletin bolady.
Qazirgi ýaqytta qaita uiymdastyrý boiynsha barlyq qajetti korporativtik sheshimder qabyldandy, «QazAgro» holdinginiń aktivterin túgendeý jumysy aiaqtaldy.
«Báiterek» ulttyq basqarýshy holdingi» AQ Qazaqstan Respýblikasy Prezidentiniń 2013 jylǵy 22 mamyrdaǵy Jarlyǵyna sáikes quryldy. Ozyq korporativtik basqarý standarttaryna sáikes keletin jáne ártaraptandyrý, jańashyldyqty qoldaý, eksportty damytý, eńbek ónimdiligin ulǵaitý jolymen Qazaqstan ekonomikasyn turaqty damytý mindetterin iske asyrýdy qamtamasyz etetin QR Úkimetiniń basty institýty.
