Úkimet basshysy Asqar Mamin «Báiterek» pen «QazAgro» holdingterin biriktirý jumysy 2021 jylǵy naýryzda aiaqtalatynyn málim etti, dep habarlaidy "Ult aqparat".
Aita ketsek, ótken jylǵy halyqqa Joldaýynda Memleket basshysy Qasym-Jomart Toqaev «Báiterek» jáne «QazAgro» holdingterin biriktirý kerektigin málim etken bolatyn.
Bul máseleni Májilis depýtattary da kóterip, Premer-ministr Asqar Maminge arnaiy saýal joldaǵan edi.
«Memleket basshysy eki holdingti biriktirýdiń negizgi amaldaryn maquldady. Bul baǵyttaǵy jumys Qazaqstan Prezidentiniń 2020 jylǵy 1 qyrkúiektegi Joldaýyn júzege asyrý boiynsha Jalpyulttyq jospardyýń 52-shi pýnktin oryndaýǵa múmkindik beredi. Osy maqsatta «Báiterek» UBH» AQ-tyń enshiles kompaniialarynyń sanyn qysqartý maqsatynda birqatar kompaniianyń fýnktsionaly men aktivteri jeke qor retinde «Qazyna Kapital Menedjment» AQ-qa beriledi. Sonymen qatar, «Qazaqstan ipotekalyq kompaniiasy» AQ, «Báiterek development» AQ pen «Kepildendirilgen ipotekalyq kompaniia» AQ-ty biriktirý jolymen turǵyn úi qurylysy salasynda Biryńǵai operator quryldy», - deidi jaýabynda Asqar Mamin.
Agroónerkásiptik keshenniń strategiialyq mańyzdylyǵyn esepke ala otyryp, «Agrarlyq nesie korporatsiiasy» AQ-qa «Báiterek» UBH» AQ quramyndaǵy enshiles uiym retinde jekelegen mártebe berý kózdelip otyr.
Sonymen birge ANK-nyń mikrobiznesti tikelei nesieleý jáne ósimdik sharýashylyǵyn saqtandyrý jaǵynan fýnktsionaldyq jarǵylyq jumysy tolyqtyrylady.
Odan bólek «Aýyl sharýashylyǵyn qarjylai qoldaý qory» AQ nesie kepildendirý fýnktsiialary «Damý» KDQ» AQ-qa berilip, qordyń ózi taratylady.
«Holdingterdi biriktirý jumysy 2021 jylǵy naýryzda aiaqtalady. Artynsha jumystyń barlyq baǵyty men salalyq tájiribeni, memlekettik saiasat pen qoldaý mehanizmi amaldaryn esepke ala otyryp, biryńǵai institýtty damytý strategiiasy ázirlenedi. Jańa strategiia aiasynda eń birinshi kezekte ekonomikany damytýda memlekettik qoldaý kórsetý sharalaryn jetildirýge baǵyttalǵan negizgi basymdyqtar men mindetter pysyqtalady», - dedi Úkimet basshysy.
