«Báiterek» ulttyq basqarýshy holdingi» AQ Basqarma tóraǵasy Aidar Áriphanov Gaaga qalasynda ótken besinshi Qazaqstan-Gollandiia biznes-forýmyna qatysty. Biznes-forým QR Premer-Ministri Asqar Maminniń Niderlandy Koroldigine resmi sapary aiasynda ótti, dep habarlaidy "Ult aqparat" uiymnyń baspasóz qyzmetine silteme jasap.
Biznes-forýmǵa iri kompaniialardyń top-menedjerleri, sonyń ishinde «Royal Dutch Shell» munai-gaz kompaniiasy, «Farm Frites BV» agro kompaniiasy, «IKEA», «Bitfury» (Forbes 50 finteh-kompaniiasy tizimine kirdi), «SUEZ GROUP» (Eýropadaǵy eń iri kommýnaldyq kompaniialardyń biri), «Schneider Group» álemdik konsaltingtik kompaniiasy jáne basqalary bar.
Forýmda sóz alǵan Aidar Áriphanov qatysýshylardy quramynda 11 enshiles kompaniiasy bar «Báiterek» holdinginiń qyzmetimen tanystyrdy. Olar kásipkerlerdi investitsiialyq kezeńnen bastap daiyn ónimniń eksportyn qoldaýǵa deiin; syiaqy mólsherlemelerin sýbsidiialaýdan kreditke kepildik berýge deiin qoldaýdyń kóptegen quraldaryn usynady, sondai-aq jobalyq qujattamany daiyndaýǵa, joba saraptamasyna kómektesedi jáne seriktes tabýǵa yqpal etedi.
Holding basshysy sonymen birge Qazaqstanǵa sheteldik investitsiialardy tartý sharalary týraly egjei-tegjeili aityp berdi.
