Densaýlyq saqtaý ministrliginde bir top áiel vedomstvo ókilderine bas saldy. Oqiǵa týraly QR DSM sanitarlyq-epidemiologiialyq baqylaý komitetiniń resmi ókili Erjan Baitanaev post jazdy, dep habarlaidy "Ult aqparat".
«Ózim qyzmet etken jyldary kóptegen qiyn jáne qyzý sátterge tap boldym, tipti jaǵdai kúrdelenip, qaqtyǵys bastalyp keterdei kórinetin. Biraq, biz óz biliktiligimizge jáne taraptardyń syndarly dialogqa múddeli bolýyna bailanysty qashanda mundai jaǵdailardan aýlaq bola aldyq.
Al búgin meni arsyzdyǵymen jáne ashý-yzasymen qairan qaldyrǵan oqiǵa boldy. Joq, maǵan qatysty emes, men er adammyn jáne bir-eki áiel úshin shaǵymdaný jaraspaidy. Meni kópbalaly analardyń, onyń ishinde múgedektigi bar balalardy tárbielep otyrǵan analardyń týra sondai múgedek adamǵa, Densaýlyq saqtaý ministrliginiń qoǵamdyq qabyldaý bólmesindegi qyzmetker qyzǵa degen qarym-qatynasy tań qaldyrdy», - dep jazdy Erjan Baitanaev Facebook jelisinde.
Onyń aitýynsha, áielder ǵimaratqa basa-kóktep kirip, kinásiz qyzmetkerge, múmkindigi shekteýli adamǵa agressiia kórsetken. Qyzmetkerdiń olarǵa kómektesýge tyrysqany úshin de til tigizip, kúsh qoldana bastaǵan.
«Osy áielderdiń ashýyna tap bolǵan múmkindigi shekteýli qyz siiaqty balalardy tárbielep otyrǵan analardyń qatygezdigine qairanmyn. Eger olar osyndai qorǵansyz adamǵa kúsh kórsete alsa, múgedekterdiń quqyqtaryn qorǵaýdy talap etýi ekijúzdilik bolyp shyqpai ma? Múmkindigi shekteýli adamǵa analardyń agressiia kórsetýi durys pa?
Biz árqashan dialogqa jáne tiisti reaktsiiaǵa, tyńdaýǵa, kómektesýge, ymyraǵa kelýge daiynbyz, óitkeni biz zaiyrly jáne quqyqtyq memlekette ómir súrip jatyrmyz. Men barlyq azamattardy sanaly bolýǵa shaqyramyn! Eger sizde qandai da bir suraqtar nemese máseleler týyndasa, biz árdaiym kelissózder ústeline otyrýǵa jáne agressiia men qorlaýǵa júginbesten olardy ashyq sheshýge daiynbyz. Elimizdiń árbir azamatynyń igiligi men densaýlyǵy úshin ári qarai jyljimyz!» - dedi Baitanaev.
