Grek-rim kúresinen Qazaqstan quramasynyń bas bapkeri Baqtiiar Baiseiitov Tokio Olimpiadasynda sportshylardyń psihologiialyq daiyndyǵy týraly aitty, dep habarlaidy "Ult aqparat".
«Bizdiń sport – jekpe-jek. Onda árbir sportshy – jeke tulǵa. Bireý qatty kúiip ketýi múmkin, bireý ońai qabyldaidy. Úrei bolady. Keide bul paidaly bolýy múmkin, biraq adam qatty kúiip ketse, qaida ekenin umytyp, tez sónýi múmkin. Bul da nátijege yqpal etedi», - dedi Baqtiiar Baiseiitov Ortalyq kommýnikatsiialar qyzmetindegi onlain brifingide.
Onyń aitýynsha, barlyq jaǵdaiǵa, sportshylardyń psihologiialyq daiyndyǵyna taldaý jasalady.
«Árine, jospar boiynsha qalai jumys isteimiz, qandai qatelikterdi joiý kerektigin federatsiiamen birge taldaimyz», - dedi Baqtiiar Baiseiitov.
Buǵan deiin bas bapker 87 keli salmaqtaǵy Nursultan Tursynovtyń tóreshiler qateliginen jeńilgenin aitqan edi.
Onyń aitýynsha, Nursultan jasaǵan ádis baǵalanbai qaldy. Tóreshiler oǵan eki upaidy bergende, Nursultan jeńiske jeter edi.
