QR Tsifrlyq damý, innovatsiialar jáne aeroǵarysh ónerkásibi ministrliginiń aimaqaralyq bailanys inspektsiiasy basshysynyń mindetin atqarýshy sybailas jemqorlyq qylmysyn jasady degen kúdikke ilindi, dep habarlaidy QR Sybailas jemqorlyqqa qarsy is-qimyl agenttiginiń baspasóz qyzmeti.
Atyraý oblystyq sybailas jemqorlyqqa qarsy qyzmeti «QR Tsifrlyq damý, innovatsiialar jáne aeroǵarysh ónerkásibi ministrligi Telekommýnikatsiialar komitetiniń Aqtóbe, Batys Qazaqstan, Mańǵystaý, Atyraý oblystary boiynsha aimaqaralyq bailanys inspektsiiasy» basshysynyń mindetin atqarýshyǵa qatysty kásipkerlik qyzmetke zańsyz qatysqan degen kúdikpen sotqa deiingi tergeý bastaldy.
Málimetke sai, ol memlekettik fýnktsiialardy oryndaýǵa ýákiletti tulǵa bola otyryp, belgilengen tyiymǵa qaramastan, jubaiynyń atyna tirkelgen bailanys salasynda kásipkerlik qyzmetti júzege asyratyn «Ǵasyr Qazsviaz» JShS-in basqarýǵa qatysyp, osy JShS-ǵa artyqshylyqtar men qamqorlyq kórsetken.
Kúdikti óziniń kinásin moiyndaýyna jáne kúdikti men onyń qorǵaýshysy protsessýaldyq kelisim jasasý týraly ótinish bergenine bailanysty kúdiktige qatysty protsessýaldyq ustaý sharasy qoldanylmady.
Kúdiktige qatysty túpkilikti sheshimdi onyń kinásiniń deńgeiin anyqtaý arqyly sot qabyldaityn bolady.
