قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸنٸڭ ايماقارالىق بايلانىس ينسپەكتسيياسى باسشىسىنىڭ مٸندەتٸن اتقارۋشى سىبايلاس جەمقورلىق قىلمىسىن جاسادى دەگەن كٷدٸككە ٸلٸندٸ, دەپ حابارلايدى قر سىبايلاس جەمقورلىققا قارسى ٸس-قيمىل اگەنتتٸگٸنٸڭ باسپاسٶز قىزمەتٸ.
اتىراۋ وبلىستىق سىبايلاس جەمقورلىققا قارسى قىزمەتٸ «قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸ تەلەكوممۋنيكاتسييالار كوميتەتٸنٸڭ اقتٶبە, باتىس قازاقستان, ماڭعىستاۋ, اتىراۋ وبلىستارى بويىنشا ايماقارالىق بايلانىس ينسپەكتسيياسى» باسشىسىنىڭ مٸندەتٸن اتقارۋشىعا قاتىستى كەسٸپكەرلٸك قىزمەتكە زاڭسىز قاتىسقان دەگەن كٷدٸكپەن سوتقا دەيٸنگٸ تەرگەۋ باستالدى.
مەلٸمەتكە ساي, ول مەملەكەتتٸك فۋنكتسييالاردى ورىنداۋعا ۋەكٸلەتتٸ تۇلعا بولا وتىرىپ, بەلگٸلەنگەن تىيىمعا قاراماستان, جۇبايىنىڭ اتىنا تٸركەلگەن بايلانىس سالاسىندا كەسٸپكەرلٸك قىزمەتتٸ جٷزەگە اسىراتىن «عاسىر قازسۆياز» جشس-ٸن باسقارۋعا قاتىسىپ, وسى جشس-عا ارتىقشىلىقتار مەن قامقورلىق كٶرسەتكەن.
كٷدٸكتٸ ٶزٸنٸڭ كٸنەسٸن مويىنداۋىنا جەنە كٷدٸكتٸ مەن ونىڭ قورعاۋشىسى پروتسەسسۋالدىق كەلٸسٸم جاساسۋ تۋرالى ٶتٸنٸش بەرگەنٸنە بايلانىستى كٷدٸكتٸگە قاتىستى پروتسەسسۋالدىق ۇستاۋ شاراسى قولدانىلمادى.
كٷدٸكتٸگە قاتىستى تٷپكٸلٸكتٸ شەشٸمدٸ ونىڭ كٸنەسٸنٸڭ دەڭگەيٸن انىقتاۋ ارقىلى سوت قابىلدايتىن بولادى.
