Resei Baiqońyrdan zymyran ushyrýdy úsh aiǵa toqtatýǵa sheshim qabyldady.
RIA Novosti habarlaǵandai, biyl Resei ǵaryshtan bes zymyran ushyrǵan eken. Esterińizge sala ketsek, ótken seisenbide Baiqońyrdan "Progress MS-09" júk kemesi attandyrylyp, qas qaǵym sátte Halyqaralyq ǵarysh stantsiiasyna jetken bolatyn.
"Shilde, tamyz jáne qyrkúiekte zymyran ushyrylmaidy. Aldaǵy ushyrý qazan aiyna josparlanǵan. "Soiýz MS-10" basqarylatyn ǵarysh kemesi 11 qazanda attanbaq", — dep habarlady agenttikke suhbat berýshi.
Jospar boiynsha, HǴS-ǵa reseilik ǵaryshker Aleksei Ovchinin men amerikalyq astronavt Nik Haig sapar shegýi tiis.
Sonymen birge, 31 qazanda "Progress MS-10" júk kemesi ushyrylady. Ári jyl sońynda Mysyrdyń EgyptSat-A spýtnigi, "Blagovest" áskeri apparaty jáne 20 jeltoqsanda taǵy bir basqarylatyn keme "Soiýz MS-11" attandyrylady.
