Almaty turǵyndaryn túngi aspandaǵy zymyran izderi tańǵaldyrdy. Turǵyndar jelige túngi aspanda túsirilgen erekshe sýretterdi jelilerde jariialap jatyr, dep habarlaidy "Ult aqparat".
Belgili bolǵandai, 10 shilde kúni túngi jergilikti ýaqytpen 03:51-de Baiqońyr ǵarysh ailaǵynan «Progress MS-09» júk kemesi «Soiýz-2.1a» raketasymen ushty.
Roskosmostyń Feisbýktegi paraqshasynda zymyrannyń ushý protsesiniń sýreti men videosy jariialanǵan.
«Júk kemesi 3 saǵat 40 minýtta Halyqaralyq ǵarysh stansasymen túiisti. «Progress MS-09» halyqaralyq ǵarysh stansasyna 2 tonnaǵa jýyq júk, onyń ishinde otyn, syǵylǵan gaz, «Orlan-MKS» skafandryn, ǵylymi jumystarǵa arnalǵan quraldar, meditsinalyq dármekter jetkizdi», - delingen paraqshada.
