Aldaǵy 3 jyldyń ishinde Baiqońyr qalasynda turatyn Qazaqstan azamattaryna 250 páter salynady. Bul týraly Májilis depýtattarynyń saýalyna orai QR Premer-Ministri Asqar Mamin jaýabynda aitylǵan, dep habarlaidy "Ult aqparat".
QR Premer-Ministriniń jaýabynda, 2019 jyly «Nurly jer» baǵdarlamasy boiynsha Baiqońyr qalasynda bes 50 páterli turǵyn úi salynatyndyǵy aitylǵan. Jáne búgingi kúni barlyq páterler qala turǵyndary - Qazaqstan azamattary arasynda bólinedi.
«2021-2023 jyldarǵa arnalǵan respýblikalyq biýdjet jobasynda Baiqońyr qalasy halqynyń áleýmettik osal toptary úshin turǵyn úi salýǵa 2,1 mlrd teńge kózdelgen. Onyń ishinde 2021 jylǵa – 225,2 mln teńge, 2022 jylǵa – 923,8 mln teńge, 2023 jylǵa – 951,2 mln teńge. Atalǵan qarajat aiasynda 15,3 myń sharshy metr turǵyn úidi (250 páter) paidalanýǵa berý josparlanýda», - dedi Asqar Mamin. Baiqońyrda turatyn Qazaqstan azamattaryna 250 páter salynady.
