Qyzylorda oblysyna jumys sapary barysynda Qazaqstan Respýblikasynyń Energetika ministri Nurlan Noǵaev pen óńir basshysy Gúlshara Ábdiqalyqova Baiqońyr qalasyna bardy, - dep habarlaidy QR Energetika ministrliginiń baspasóz qyzmeti.
Baspasóz qyzmeti taratqan málimetterge qaraǵanda, 2019 jylǵy 3 sáýirde Máskeýde Qazaqstan Respýblikasynyń Prezidenti Qasym-Jomart Toqaevtyń Resei Federatsiiasyna resmi sapary kezinde Qazaqstan Respýblikasynyń Úkimeti men Resei Federatsiiasynyń Úkimeti arasynda «Baiqońyr» keshenin gazben jabdyqtaý týraly kelisimge (budan ári - Kelisim) qol qoiyldy. Qujat Qazaqstan Respýblikasynyń 2020 jylǵy 26 naýryzdaǵy № 305-VI ZRK Zańymen ratifikatsiialandy.
Kelisim tutynýshylardy suiytylǵan gazdan tabiǵi gazǵa kóshirýdi kózdeidi jáne onyń mynadai artyqshylyqtary bar:
- Baiqońyr qalasynyń tutynýshylary, onyń shamamen 60% Qazaqstan azamattary, qoljetimdi jáne ekologiialyq taza otynmen - tabiǵi gazben turaqty qamtamasyz etiledi. Bul suiytylǵan munai gazyna qaraǵanda áldeqaida arzan.
2020 jyldan bastap Qazaly qalasy men Shieli aýdany Bekejanov kentin gazdandyrý jobalaryn júzege asyrý bastalǵanyn, bul óz kezeginde aimaq turǵyndarynyń áleýmettik jaǵdailaryn jaqsartýǵa yqpal etetinin atap ótken jón.
Nurlan Noǵaev jáne Gúlshara Ábdiqalyqova Baiqońyr qalasyndaǵy «Baiqońyrenergo» óndiristik-energetikalyq qaýymdastyǵy kásipornynyń» jumysymen tanysty.
Sapar qorytyndysy boiynsha ministr jaýapty tulǵalarǵa birqatar naqty tapsyrma berdi.
