Túrkistan oblysy Báidibek aýdanynda turmysy tómen otbasyna baspananyń kilti tabys etildi. Shaqpaq eldimekeninde turatyn tórt balanyń ákesi Baqytjan Yntybaevqa bes bólmeli úidi jergilikti kásipker tartý etken, - dep habarlaidy "Ult aqparat".
Jomart jandardyń biri Erbolat Myrzabekov kópbalaly otbasyna turǵyn úidi óz qarjysyna satyp alyp bergen. Baspananyń kiltin saltanatty tabystaý rásimine aýdan ákiminiń orynbasary Baǵdatbek Janǵaziev qatysyp, qonystoi iesi Baqytjan Yntybaevqa estelik syilyq tartý etti.
Al, oblystyń bas imamy Musabek Aqtamberdi «El úlesi - páterge» jobasy boiynsha Báidibek aýdanyndaǵy 197-shi baspana qutty bolsyn dep saltanatty túrde turǵyn úidiń kiltin tapsyrdy. Kópbalaly ana Gúlnur Dosjanovanyń qýanyshynda shek joq. Ol meiirimdi jandarǵa alǵysyn aityp, balalarynyń óz bólmesi bolatynyna qýanyp jatty.
Kásipker sondai-aq Baqytjan Yntybaevty óziniń jeke sharýashylyǵyna maýsymdyq jumysqa qabyldaǵanyn jáne qazir traktor júrgizip jatqanyn jetkizdi.
Aita keteiik, únemi qaiyrymdylyq jasaýdan shet qalmaityn Erbolat Myrzabekov aýdandaǵy muqtaj jandardy azyq-túlikpen qamtamasyz etip keledi.
