AQSh-tyń sailanǵan prezidenti Djo Baiden ulyqtaý rásiminen keiin Tramptyń birneshe sheshimin alyp tastaýdy josparlap otyr, - dep habarlaidy France 24.
Baiden Tramptyń birqatar sheshimin qaitaryp alý úshin 17 jarlyqqa qol qoimaq. Onyń ishinde, Baiden Meksikamen shekaradaǵy qabyrǵa qurylysyn qarjylandyrýdy toqtatýǵa nietti jáne qurylysqa ketken aqshany qaida baǵyttaý keregin qarastyrady. Aita keteiik, qabyrǵa Tramptyń sailaý aldyndaǵy ýádeleriniń biri bolǵan.
Djo Baidenniń josparyna sáikes, jarlyqtar Donald Tramp engizgen birjaqty sharalardy alyp tastaýǵa baǵyttalǵan, qalǵany densaýlyq saqtaý jáne pandemiia saldarynan týyndaǵan ekonomikalyq daǵdarysty sheshýge arnalǵan.
Basylym málimetinshe, Baiden Amerika Qurama shtattary qaitadan Parij kelisimine qatysýshy elderdiń qataryna kiretinin jariialaidy. Dúnie júziniń 195 memleketi qoldaǵan kelisimshart elderdi atmosferaǵa ziian qaldyqtardyń deńgeiin shekteýge mindetteidi.
Baiden prezidenttiginiń alǵashqy kúni pandemiiamen kúres barysynda qoldanylatyn erejelerdi aitady. Onyń ishinde, 100 kúndik maska synaǵy (100 Day Masking Challenge) bastalyp ketken.
"Barlyq federaldyq aimaqta jáne shtattar arasynda shekaradan ótý kezinde maska taǵý mindetti", - dedi Baiden ákimshiliginiń basshysy Ron Klein.
