AQSh prezidenti Djo Baiden 9 tamyzda Belarýstegi prezident sailaýynyń bir jyldyǵyna orai málimdeme jasady. Ol Aleksandr Lýkashenko rejimine qarsy jańa sanktsiia qabyldaitynyn aitty. Málimdeme Aq úi saitynda jariialandy.
Bir jyl buryn Belarýs azamattary bolashaǵyn demokratiialyq sailaý arqyly anyqtaǵysy keletinin estirtýge talpyndy, delingen málimdemede.
AQSh prezidentiniń pikirinshe, halyq qalaýyna qulaq asqysy kelmegen Lýkashenko rejimi jazalaý naýqanyna kóshti.
AQSh odaqtastary jáne áriptesterimen birge adam quqyqtary men sóz bostandyǵyn qorǵai beredi. Baiden Belarýste demokratiia men adam quqyqtaryn shekteýge qatysqan jeke jáne zańdy tulǵalarǵa qarsy jańa sanktsiia salý týraly úkimge qol qoiǵanyn aitty.
Prezident jaqynda oppozitsiia jetekshisi Svetlana Tihanovskaiamen kezdeskenin, oǵan AQSh Belarýs halqyn qoldaitynyn aitqanyn málimdedi.
