AQSh prezidenti Djo Baiden Kabýl áýejaiyndaa áskeri qyzmetkerlerge jarylys uiymdastyrdy dep aiyptalǵan DAISh (IShIM - Qazaqstanda terroristik retinde tyiym salynǵan) tobynyń jetekshileri men nysandarynan kek alý úshin daiyndalýǵa buiryq bergenin aitty, - dep habarlaidy Tengrinews.kz tilshisi RIA Novostige siteme jasap.
Ol shabýylǵa jaýapty adamdar tabylyp, jazalanatynyn aitty.
"Biz keshirmeimiz, umytpaimyz. Biz jarylysty uiymdastyrǵandardy ustap, istegenderi úshin jaýap berýge májbúr etemiz. Biz ózimiz tańdaǵan jerde, ózimiz tańdaǵan ýaqytta qatty jáne dál soqqy beremiz", - dedi Baiden Aq úide, 12 amerikalyq ásker qaza tapqan Aýǵanstan astanasynyń áýejaiyndaǵy terrorlyq shabýyl týraly málimdeme jasap.
Ol AQSh lańkestik áreketterge jaýapty adamdardy tabý úshin áskeri operatsiialardyń joldaryn tabatynyn da eskertti.
"Biz bul adamdardyń kim ekenin bilemiz dep oilaýǵa negiz bar", - dedi AQSh prezidenti.
Sondai-aq, AQSh prezidenti Aýǵanstanda bolyp jatqan barlyq jaǵdailar úshin jaýapkershilikti "túbegeili" moiyndaitynyn da qosty.
"Men bolǵan jaǵdaidyń bárine jaýap beremin", - dedi ol.
Baiden Kabýl áýejaiyndaǵy jarylystan AQSh-tyń 12 áskeri qaza tapqannan keiin málimdeme jasady. Wall Street Journal basylymy Aýǵanstan Densaýlyq saqtaý ministrliginiń joǵary laýazymdy tulǵasyna silteme jasap,Kabýl áýejaiyndaǵy jarylystardan zardap shekkenderdiń jalpy sany, onyń ishinde AQSh áskeri kúshteriniń ólimi 100-den asqanyn aitty.
