Prezident Djo Baiden AQSh sailaýyna sheteldikterdiń aralasý qaýpine bailanysty eldegi tótenshe jaǵdai (TJ) rejimin bir jylǵa uzartty, - dep habarlaidy Tengrinews.kz agenttigi Aq úi saityna silteme jasap.
Tótenshe jaǵdai rejimin 2018 jyldyń 12 qyrkúieginde eks-prezident Donald Tramp engizgen. Bul amerikalyq barlaý agenttikterin sailaýdan keiin 45 kún ishinde nátijege sheteldikterdiń aralasýyn tekserýdi mindetteidi.
"Men eldegi tótenshe jaǵdailar týraly zańnyń 202-bólimine sáikes, 13848 jarlyqtaǵy AQSh sailaýyna sheteldikterdiń aralasý qaýpi nemese olarǵa degen qoǵamdyq senimniń buzylýy týraly jariialanǵan Ulttyq tótenshe jaǵdai rejimin bir jylǵa uzartamyn", - delingen Djo Baidenniń hatynda.
Málimdemede AQSh biliginde kez kelgen sheteldik derjavanyń AQSh-taǵy kez kelgen sailaýdaǵy nátijelerdi nemese daýystar sanyn ózgertkeni týraly eshqandai dálel joq ekeni, biraq sonymen qatar "sheteldik derjavalar tarihi túrde Amerikanyń erkin jáne ashyq saiasi júiesin qoldanýǵa umtylǵany" kórsetiledi.
"Amerika Qurama Shtattarynan tys jerlerde jeke tulǵalardyń AQSh-taǵy sailaýǵa tolyq nemese ishinara aralasýy nemese senimine nuqsan keltirý múmkindigi, onyń ishinde sailaý infraqurylymyna ruqsatsyz qoljetkizý nemese nasihat pen jalǵan aqparatty jasyryn taratý arqyly jáne ulttyq qaýipsizdik pen syrtqy saiasatqa tótenshe qater tóndiredi", - delingen qujatta.
Buǵan deiin AQSh-tyń burynǵy prezidenti Donald Tramp jaqynda 2020 jylǵy prezidenttik sailaýda zańbuzýshylyqtar bolǵany týraly jańa dálelder paida bolatynyn málimdegen edi.
