Almaty ákimi Baýyrjan Baibek qalanyń iri saýda jelisi dúkenderiniń birine baryp, azyq-túlik baǵalarymen tanysty, - dep habarlaidy Ult.kz tilshisi QazAqparat agenttigine silteme jasap.
Ákim shujyq, maionez, burshaq, kartop sekildi dástúrli jańajyldyq sebetten tabylatyn azyq-túlik baǵasyna gipermarket usynǵan jeńildikterge qyzyǵýshylyq tanytty. «Jańa jyl aldynda barynsha jeńildikter jasaýǵa tyrysamyz», - dedi qala basshysyna dúken jetekshiligi.
Olar ákimge taýar sórelerin kórsetip, baǵalarymen tanystyryp shyqty. Jýrnalister ákimnen baǵalardyń qanshalyqty qolaily ekenin suraǵanda, ákim «Bul týraly qalalyqtar aitsyn» dep jaýap berdi.
«Biz qoldan kelgenshe jumys istep jatyrmyz, kórdińizder me, órkenietti saýda keldi - demek turaqty salyqtar, turaqty jalaqy, qalypty sapa bolady. Biz biyl almatylyq ónimderdiń úlesin 2% arttyrdyq. 2% az bolyp kórinetin shyǵar, biraq Almaty 3 million halqy bar úlken naryq jáne bul 2% - úlken júieli eńbekti kórsetip tur, aldaǵy ýaqytta da jumysty jalǵastyra bermekpiz», - dedi Baýyrjan Baibek.
