Almaty ákimi Baýyrjan Baibek qala turǵyndarynyń las aýa týraly saýaldaryna jaýap berdi, dep habarlaidy QazAqparat tilshisi.
«Qaladaǵy avtoturaqtardy azaita bastaǵan edik, basymyz daýǵa qaldy. Bireýler mashina ber deidi, bireýler kólikti kirgizbe deidi. Bireý tez júrgim keledi deidi, bireý taza aýa kerek deidi. Men qaidan alam taza aýany? Óziń aýany lastama. Men de sol las aýamen demalyp jatyrmyn. Qazir jótelip otyrmyn, allergiiam bar. Balalarym úshin de, jaqyndarym úshin de alańdaimyn. Almaty turǵyny retinde alańdaimyn», - dedi Baýyrjan Baibek.
Qala ákimi Almaty aýasynyń lastanýyna 70 paiyz kólikterdiń bóletin ýly gazy sebep bolyp otyrǵanyn aitty. Sondyqtan, 10 sharanyń 7-si kólik sanyn azaitýǵa baǵyttalǵan.
«30 jolairyq salyndy. Kólikter azaidy ma? Kerisinshe, yńǵaily jaǵdai jasaǵan saiyn kólik sany kóbeie túsedi. Qalanyń kedei turǵyndary kólikpen júretin qala baqýatty emes, kerisinshe jaǵdaiy jaqsy adamdar avtobýspen júretin qala baqýatty. Bizdiń mindet - bárin avtobýsqa otyrǵyzý», - dedi ol.
