Baian Alagózovanyń úlken qyzy Aisáýle Baqytbek elimizdegi eń bedeldi ál-Farabi atyndaǵy Qazaq Ulttyq ýniversitetindegi jemqorlyq jaily sóz qozǵady. Ol «Ózim oqymasam da, sonda bilim alyp jatqan stýdentterdi jaqsy tanimyn» dedi Instagram-paraqshasyndaǵy tikelei efir barysynda.
«Buqaralyq aqparat quraldarynan «Qazaq ulttyq ýniversitetinde jemqorlyq atymen joq» degen maqala oqydym. Bul – jalǵan aqparat. Ózim osy ýniversitette oqymasam da, sonda bilim alatyn 20 stýdentti jaqsy bilemin. Olar ózderin stýdent qataryna qosqanymen sabaqqa qatyspaityndaryn aitqan. Men de dáriske qatyspai, diplom alýǵa qarsy emespin», – deidi Aisáýle Baqytbek.
Sondai-aq ol joǵarǵy oqý oryndarymen qatar, aýrýhanalar men mektepterde de jemqorlyqtyń órship turǵanyn tilge tiek etti.
