Prodiýser Baian Alagózovanyń qyzy Aisáýle Baqytbek pen kúieý balasy Álisher Qaidarov rólge mas kúiinde otyrǵany úshin ákimshilik jaýapkershilikke tartylǵan, dep habarlaidy Sputnik Qazaqstan tilshisi.
Sot aktileriniń bankinde kórsetilgen málimetke sáikes, ótken jyly Toyota kóligin mingen Aisáýle Baqytbekti Almatynyń Dostyq kóshesinde jol politseileri toqtatqan bolatyn. Meditsinalyq tekseris kezinde onyń ortasha mas kúiinde bolǵany anyqtaldy. Sottyń sheshimimen ol úsh jylǵa kólik júrgizý kýáliginen aiyryldy.
Al Álisher Qaidarov biyl qańtar aiynda mas kúiinde ustalǵan bolatyn. Ol Mercedes Benz GL400 matic kóligimen kele jatqanda ony politsiia Qajymuqan kóshesinde toqtatty. Qaidarov jol saqshylaryna syra ishtim dep aqtalýǵa tyrysqan. Alaida Almaty qalasynyń mamandyrylǵan aýdanaralyq ákimshilik soty ony da úsh jylǵa kólikti júrgizý quqyǵynan aiyrý týraly úkim shyǵardy.
Aita keteiik, Aisáýle Baqytbek pen Álishek Qaidarov naýryz aiynda úilengen bolatyn.
