Baýyrjan Qaraǵyzuly Qazaqstan Respýblikasy Mádeniet jáne sport ministriniń keńesshisi laýazymyna taǵaiyndaldy, dep habarlaidy "Ult aqparat" ministrliktiń baspasóz qyzmetine silteme jasap.
Baýyrjan Qaraǵyzuly 1982 jyly 17 qazanda dúniege kelgen. Qazaqtyń talantty aqyny, kóptegen halyqaralyq, respýblikalyq, ádebi konkýrstardyń jeńimpazy.
Qazaqstan Respýblikasy Prezidenti Nursultan Ábishuly Nazarbaetyń jáne IýNESKO-nyń qoldaýymen ótken Halyqaralyq «Shabyt» shyǵarmashyl jastar festivaliniń eki márte laýreaty jáne Gran-Pri júldesiniń iegeri.
«Álemge áigili - Astana» atty jyr músháirasynyń Gran-Pri júldesiniń iegeri. Seidolla Báiterekov atyndaǵy arnaiy syilyqtyń iegeri.
QR Táýelsizdiginiń 20 jyldyǵy qarsańynda ótken «Qazaq eli, bir aýyz sózim saǵan» atty I respýblikalyq Maǵjan óner festivaliniń laýreaty.
«Tabysty qazaqstandyq - 2012» Aqmola oblystyq jastar baiqaýynda «Jas daryn» syilyǵynyń iegeri. Aqyn-improvizator Imanjúsip Qutpanulynyń 150 jyl tolýyna orai ótken ádebi baiqaýdyń jeńimpazy.
2014 jylǵy Qazaqstan Respýblikasy Prezidentiniń memlekettik stipendiiasynyń iegeri. «Jumbaqtasqa jaýǵan kúz», «Óń.Men.Tús.», «Júrek kitaby», «Topyraq demi» atty jyr-kitaptarynyń avtory.
Respýblikalyq «Alash úni» gazetinde tilshi, Elordalyq «Astana» jýrnalynda tilshiler qosynynyń jetekshisi, jaýapty hatshy, bas redaktordyń orynbasary; Qazaqstan Respýblikasynyń Ulttyq Akademiialyq kitaphanasynda «Kitap patshalyǵy» jýrnaly bas redaktorynyń orynbasary; Kókshetaý qalasyndaǵy «Aqparattyq kitaphana júiesi» Memlekettik mekemesinde direktor; «Qazkontent» AQ «Ádebiet portalynyń» jetekshisi; «Mádeniet portalynyń» bas direktory; Qazaqstan Jazýshylar odaǵy Astana qalasy filialynyń direktory, QR Mádeniet jáne sport ministrligi janynan qurylǵan Jas aqyn-jazýshylar keńesiniń hatshysy qyzymetterin atqarǵan.
Úilengen. Úsh bala tárbielep otyrǵan áke.
