Qazaqstandyq fýtbolshy Baýyrjan Islamhan Birikken Arab Ámirlikteriniń «ál-Ain» komandasymen kelisimshartqa qol qoidy, dep habarlaidy "Ult aqparat".
Bul jóninde klýbtyń baspasóz qyzmeti málim etti.
Kelisimshart aldaǵy úsh fýtbol maýsymyna jasalǵan. Qazaqstandyq fýtbolshynyń komanda quramyna qosylýyna portýgaldyq bapker Pedrý Emanýel qyzyǵýshylyq tanytty.
Aita keterligi, Baýyrjan Islamhan kelisimshartqa qol qoiýdan buryn BAÁ-degi karantin talabyna sáikes jeti kúnge oqshaýlandy. Koronavirýsqa bailanysty eki márte synama tapsyrdy. Tolyq meditsinalyq qadaǵalaýdan ótti.
Baýyrjan Islamhan biyl 31 qańtarda «Al-Ain» komandasymen maýsym aiyna deiin kelisimshartqa qol qoiǵan edi. Ol on oiynda jasyl alańǵa shyqty. Qarsylastar qaqpasyn bir márte dál kózdep, úsh márte nátijeli pas berdi. Naýryz aiynda koronavirýs pandemiiasyna bailanysty atalǵan memlekette barlyq jarystar toqtatyldy. Keiinnen fýtbol birinshiligi aiaqtalǵany jóninde sheshim qabyldandy.
Endi ol komandadaǵy ázge áriptesterimen birge oqý-jattyǵý jiynyna qatysady. Fýtboldan BAÁ chempionaty 3 qyrkúiekte bastalady dep josparlanyp otyr.
Baýyrjan Islamhan 1993 jyldyń 23 aqpanynda Taraz qalasynda dúniege kelgen. Fýtbolshy mansabynda «Taraz», «Astana», «Qairat», Reseidiń «Kýban» klýbtarynda oiyn kórsetken.
