Nur Otan partiiasy Tóraǵasynyń birinshi orynbasary Baýyrjan Baibek barysynda oblys ákimi Ómirzaq Shókeevpen birqatar aýdandardy aralap, óńir turǵyndarynyń muń-muqtajyn tyńdady, dep habarlaidy "Ult aqparat" Túrkistan oblysy ákiminiń baspasóz qyzmetine silteme jasap.
Baýyrjan Baibek qordalanǵan túiitkilderdiń ońdy sheshim tabýyn tikelei partiia baqylaýyna alatyndyǵyn jetkizdi
Otyrar aýdanyndaǵy Sháýildir aýylynyń turǵyndarymen kezdesý kezinde Sovet zamanynda salynǵan úilerdiń injenerlik infraqurylymnyń tozyǵy jetkeni jaily aityldy.
«Elbasynyń bastamasymen qolǵa alynǵan «Aýyl – el besigi» jobasynyń aiasynda búginde elimizdiń shalǵai aýdandarynyń túiitkildi máselelerin sheshý boiynsha partiia júieli sharalar ázirleýde. Otyrar aýdanyndaǵy Sháýildir aýylynyń turǵyndarymen kezdestim. Munda 300-den astam otbasy 70-80 jyldary salynǵan úilerdegi injenerlik infraqurylymnyń tozýy saldarynan jylý berý júiesiniń mardymsyz jumysyna bailanysty «Nur Otan» partiiasyna shaǵymdanǵan», – dedi Nur Otan partiiasy Tóraǵasynyń birinshi orynbasary Baýyrjan Baibek.
Túrkistan oblysynyń ákimi Ómirzaq Shókeev uzaq jyldardan beri qordalanyp kelgen máseleniń jaqyn arada sheshiletinin aitty. Jergilikti biýdjetti naqtylaý kezinde jylý júielerin salý úshin 700 mln teńgeden astam qarjy bólinbek. Negizgi qazandyqtyń qurylysyna qarajat qaralǵan. Aýyl turǵyndary kótergen máseleni sheshý «Nur Otan» partiiasynyń baqylaýyna alyndy.
Jumys sapary barysynda Baýyrjan Baibek túrkistandyq ziialy qaýym ókilderimen kezdesti. Basqosý barysynda ál-Farabi jáne Abai syndy oishyldarymyzdyń mereitoilaryn taǵlymdy deńgeide ótkizý jaiy qozǵaldy.
Baýyrjan Baibek óńirge saparyn Túrkistan qalasynda jalǵastyrdy. Jetekshi partiia Tóraǵasynyń bBirinshi orynbasary «Jastar resýrstyq ortalyǵynda» túrkistandyq qoǵam belsendileri men jastarmen erkin formatta kezdesip, pikir almasty. Jiynda azamattyq qoǵamdy damytý men jastar saiasaty jáne biylǵy eriktiler jylyn júzege asyrý jaily máseleler aityldy.
Sondai-aq, Baýyrjan Baibek Q.A. Iasaýi atyndaǵy Halyqaralyq qazaq-túrik ýniversiteti mádeniet saraiynda partiianyń Túrkistan oblystyq filialy tóraǵasynyń birinshi orynbasary Beisen Tájibaev pen elimizdiń Bas pariiasynyń aýdandyq filial tóraǵalarynyń qatysýymen jinalys ótkizdi.
Eske sala keteiik, Elbasy tapsyrmasy boiynsha Nur Otan partiiasy birneshe aidan beri Úkimetpen jáne óńirlik filialdarmen birlese otyryp, aldaǵy 5 jylǵa aýdandardy, qalalardy jáne oblystardy damytýdyń jańa baǵdarlamasyn ázirleý jumystyn júrgizip jatyr. Atalǵan baǵdarlamalarda árbir jekelegen óńirdiń jergilikti erekshelikteri eskerilip, azamattardyń naqty qajettilikteri kórinis tabatyn bolady.
