«Nur Otan» partiiasy tóraǵasynyń Birinshi orynbasary Baýyrjan Baibektiń óńirlerge sapary jalǵasýda, dep habarlaidy «Nur Otan» partiiasy resmi saity.
Partiia tóraǵasynyń birinshi orynbasary Pavlodar oblysynyń shalǵaidaǵy birqatar eldi mekeniniń turǵyndarymen kezdesip, kókeikesti máselelerdi sol jerde talqylap, sheshimin birge qarastyrdy.
Jumys saparynyń birinshi kúni Baýyrjan Baibek Novochernoiarka aýylynyń turǵyndarymen kezdesti. Munda 16 kóp qabatty turǵyn úidiń 800-ge jýyq turǵyny ortalyq jylytý júiesinsiz turyp jatyr. Aýyl turǵyndary bul máseleni osyǵan deiin birneshe ret kótergen, tipti partiianyń qoǵamdyq qabyldaýy arqyly da qozǵaǵan eken.
«Turǵyndarmen birge osynyń sheshý joldaryn talqyladyq. Aimaq basshylyǵy aýylda jylytý qazandyǵy salynady dep sóz berdi. Bul atalǵan turǵyn úilerden bólek taǵy da 5 áleýmettik nysandy, onyń ishinde taiaý mańda ornalasqan mektepti, balabaqshany jáne dárigerlik ambýlatoriiany jylytýmen qamtamasyz etpek. Onyń oryndalýyn «Nur Otan» óz baqylaýyna aldy», - dedi Baýyrjan Baibek óz Facebook paraqshasynda.
Onyń aitýynsha, Pavlodar oblysyna saparǵa shyǵar aldynda ol buqaralyq aqparat quraldary men áleýmettik jeliler materialdary arqyly óńirdiń kókeikesti máselelerimen muqiiat tanysqan. Bileýshi partiia tóraǵasynyń birinshi orynbasary birneshe jyldan beri oblys ortalyǵynda «Ekinshi Pavlodar» yqshamaýdanyndaǵy jeke turǵyn úilerdi erigen jáne jerasty sýlary deńgeiiniń kóterilýi saldarynan sý basýy máselesine nazar aýdardy.
Máseleniń ózektiligi eskerile otyryp, oblystyń jańa ákimimen turǵyndardyń kezdesýi uiymdastyryldy.
Ábilqaiyr Sqaqovtyń aitýynsha, máseleni júieli jáne jan-jaqty sheshý úshin tiisti mamandar men sarapshylar tartylatyn bolady. Sonymen qatar, 8 shaqyrym káriz jelilerin tartý jáne taǵy 10 shaqyrym kommýnikatsiiany salý úshin jobalyq-smetalyq qujattama ázirlenedi. Budan buryn jerasty sýlarynyń deńgeiin tómendetý úshin 5 qudyq burǵylanyp, sý saqtaý shuńqyry salynǵan, 3 sorǵy stantsiiasy ornatylǵan.
Kezdesýde jergilikti turǵyndar monopolist kompaniia «Pavlodar sý kanaly» JShS-na qarata tarifterdiń, sýdy esepteý aspaptary qunynyń aiqyndyǵyna qatysty narazylyqtaryn da bildirdi. Baýyrjan Baibek óz kezeginde taiaý ýaqytta partiia alańynda barlyq múddeli organdardyń qatysýymen ashyq partiialyq tyńdaý ótkizýdi tapsyrdy.
Jumys sapary barysynda partiia tóraǵasynyń birinshi orynbasary «Munaihim» kásipornynyń qyzmetkerlerimen de kezdesti. Munda áleýmettik jáne eńbek quqyqtaryn qorǵaý salasyndaǵy ózekti máseleler talqylandy. Baýyrjan Baibek Elbasy bastamasymen qolǵa alynǵan indýstrialandyrý baǵdarlamasynyń arqasynda óńirde myńdaǵan jumys ornynyń ashylǵanyn tilge tiek etti.
«Jumyspen qamtýmen qatar jaily jáne qaýipsiz eńbek jaǵdaiyn jasaý qajet. Bul úshin bastaýysh partiia uiymdary kásipodaqtarmen birlesip kásiporyn basshylyǵyna týyndaǵan máseleler men qyzmetkerlerdiń usynys-tilekterin ýaqtyly jetkizip otyrýy tiis. Bul rette birde-bir suraqty nazardan tys qaldyrýǵa bolmaidy. Prezidentimizdiń «halyq únine qulaq asatyn memleket» tujyrymdamasynyń naqty iske asýy degenimiz osy» - dep atap ótti ol.
Sonymen qatar Baýyrjan Baibek Pavlodar oblysyndaǵy partiia aktivimen kezdesý ótkizip, onda sáýir-mamyr ailarynda ashyq ishki partiialyq sailaý - praimeriz ótkizýge daiyndyq barysy týraly pikir alysty.
«Partiiamyzdyń lideri, Elbasynyń tapsyrmasy boiynsha barlyq deńgeidegi máslihattarǵa usynylatyn tizimdi túzý kezinde onda áielderdiń 30%-ten, al 35 jasqa deiingi jastardyń 20%-ten kem bolmaýyna qol jetkizý josparlanýda. Sondai-aq máslihattarǵa basqa da áleýmettik toptardyń ókilderi usynylýy tiis. Atap aitqanda, erekshe qajettilikteri bar jandar, kópbalaly analar jáne taǵy basqalary qamtylýy kerek. Bul rette qoǵamdyq pikir kóshbasshylaryn jáne úkimettik emes uiymdardyń el ishinde sózi ótimdi, jurtshylyqtyń senimine ie bolǵan ókilderin ilgeriletýge basa nazar aýdarylady.
Bizdiń qaǵidatymyz – «Jigerli liderler – Qýatty partiia». Azamattyq qoǵammen qoian-qoltyq aralasyp, ózara birlese áreket etý ǵana azamattarymyzdyń ál-aýqatyn arttyrýdy qamtamasyz etýge jol ashatynyna senimdimin!» - dep málimdedi partiia tóraǵasynyń birinshi orynbasary.
Kezekten tys konferentsiia barysynda oblys ákimi Ábilqaiyr Sqaqov Pavlodar oblystyq filialynyń tóraǵasy bolyp sailandy.
Jumys saparynyń birinshi kúnin qorytyndylai kele, Baýyrjan Baibek partiianyń qoǵamdyq qabyldaý bólmelerine pavlodarlyqtardan kelip túsken ótinishterdi saraptaý arqyly sheshimin kútken birinshi kezektegi mindetterdiń aýqymy anyqtalǵanyn atap ótti. Bular – áleýmettik qamtý, bilim berý, densaýlyq saqtaý, qorshaǵan ortany qorǵaý sapasy, sondai-aq, turǵyn úi qorynyń mardymsyz jaǵdaiy, eldi mekenderdi abattandyrý jáne taǵy da basqa kóptegen máseleler.
«Azamattarymyzdy alańdatyp otyrǵan máseleler búginde ázirlenip jatqan aimaqty damytýdyń 5 jyldyq baǵdarlamasyna engiziledi. Biz ár qalany, aýdandy jáne aýyldy qamtýdy josparlap otyrmyz. Osy baǵyttaǵy jumystardy partiia ortalyq jáne jergilikti memlekettik organdarmen birlese otyryp birneshe aidan beri júrgizip te keledi. «Nur Otan» túiindi máselelerge qulaq asyp qana qoimai, olardy sheshý úshin naqty sharalardy qolǵa alýy kerek. Ol úshin bizde qajetti resýrstar bar, eń bastysy, qarapaiym halyq qoldap otyr» - dedi ol.
