«Nur Otan» Tóraǵasynyń birinshi orynbasary bolyp taǵaiyndalǵan Baýyrjan Baibek partiia saiasatyn oryndaýǵa bar kúsh-jigerin salatynyn málim etti, dep habarlaidy "Ult aqparat".
«Qurmetti almatylyqtar! Ózim týyp-ósken Almatyǵa qyzmetke kelgenim kúni keshe ǵana sekildi edi. Mine, 4 jyl óte shyǵypty. Osy kezeńde súiikti qalamyzǵa aianbai eńbek ettim. Kóptegen jobalardy birlese iske asyrdyq. Maǵan úlken senim artyp, Almatynyń ákimi etip taǵaiyndaǵan Elbasy Nursultan Ábishuly Nazarbaevqa alǵysym sheksiz. Atqarylǵan árbir igi is Elbasynyń zor qoldaýymen iske asty. Sondai-aq, Prezident laýazymyna kiriskennen únemi qoldaý bildirip, Almatyǵa arnaiy kelip, metro jáne jolaiyryqtar qurylysynyń qarqynyn údetýge, qosylǵan aýdandarda infraqurylymdy damytýǵa qoldaý kórsetken, sailaýdan keiin meni qaita taǵaiyndaǵan Kasym-Jomart Kemeluly Toqaevqa úlken alǵys bildiremin», - dep jazdy B. Baibek Instagram-daǵy paraqshasynda.
Osy oraida ol qala ákimi qyzmetine kirise sala «Nur Otan» partiiasynyń basymdyqtary negizinde «Almaty-2020» baǵdarlamasyn ázirlep, ol qoǵammen tikelei talqylanǵanyn, jospar oidaǵydai iske asyp jatqanyn jetkizdi. «Qala adamdar úshin» kontseptsiiasy aiasynda birqatar kósheler jańǵyrtyldy, óndiris oshaqtary ashyldy, ekonomika órkendep, aýqymdy investitsiialar tartyldy.
«Qyzmetimizdiń úlken bir baǵyty ulttyq rýhty kóterý boldy. Elbasy qoldaýymen IýNESKO aiasynda Almatynyń 1000 jyldyǵyn atap ótip, qalamyzdyń ótkeninen syr shertetin «Almaty mýzeiin» ashtyq. Osylaisha, Almatynyń myńjyldyqtar buryn babalar salǵan altyn besik, atajurt ekenin aishyqtadyq. Ulttyq ónerimizdi dáripteitin halyqaralyq sharalar uiymdastyryp, birqatar óner ordalaryn ashtyq. Endi búgin qarapaiym azamattardyń muńyn muńdap, joǵyn joqtap, ózekti máselelerdi kóterip kele jatqan halyq pen biliktiń arasyndaǵy dáneker - «Nur Otan» partiiasy Tóraǵasynyń birinshi orynbasary qyzmetine taǵaiyndaldym. El tarihyndaǵy osynaý jaýapkershiligi mol tusta senim artyp otyrǵan Elbasyǵa úlken alǵys aitamyn. Halyqtyń memleketke jáne erteńgi kúnge degen senimin arttyrýǵa, el birligin nyǵaitýǵa, iaǵni Elbasy baǵdaryn iske asyrýǵa baǵyttalǵan partiia saiasatyn oryndaýǵa bar kúsh-jigerimizdi jumsaityn bolamyz. Barshańyzǵa yqylasymdy bildire otyryp, denderińizge saýlyq, otbasylaryńyzǵa amandyq tileimin!», - dedi ol.
