«Ońtústik» energiia aimaǵynyń elektr jelilerin kúsheitýdiń tehnikalyq-ekonomikalyq negizdemesi ázirlenip jatyr. Bul jainyda QR Energetika ministri Bolat Aqsholaqov Úkimet otyrysynda aitty, dep habarlaidy QazAqparat.
«Ulttyq elektr jelilerin jańǵyrtý jumysy júrgizilýde. Onyń ishinde Batys energiia aimaǵy elektr jelilerin kúsheitý boiynsha qurylys-montajdaý jumystaryn 2023 jyly aiaqtaý kózdelip otyr», - dedi vedomstvo basshysy.
Al Ońtústik energiia aimaǵynyń elektr júielerin kúsheitý boiynsha tehnikalyq-ekonomikalyq negizdeme ázirlenip jatqan kórinedi.
«Negizdeme daiyn bolǵannan keiin jobany iske asyrýdyń parametrleri men merzimderi aiqyndalady», - dedi Bolat Aqsholaqov.
Aita ketý kerek, Úkimettiń keshegi keńeitilgen otyrysynda Memleket basshysy Ońtústik jáne Batys aimaqtardyń elektr jelisin kúsheitý jumystary jetkiliksiz qarqynmen júrgizilip jatqanyn synaǵan edi.
