Eldiń batysyndaǵy eń iri jerasty sýynyń qory jatqan Kókjide kenishiniń mańaiynda munai óndiretin 8 kompaniia jumys istep jatyr, dep habarlaidy QazAqparat.
QR Ekologiia, geologiia jáne tabiǵi resýrstar vitse-ministri Serikqali Brekeshev Kókjide ken ornyndaǵy qazba jáne barlaý jumystarynyń jerasty sý qoryna tigizetin zardaby týraly pikir bildirdi.
«Jerasty sýlarynyń lastanýyn boldyrmaý úshin memlekettik organdar men jergilikti ákimdik Kókjide ken ornynyń aýdanyndaǵy jerasty sýlaryna monitoring júrgizip keledi. Munai óndirýshilerdiń áreketinen jerasty sýynyń lastaný faktileri arakidik anyqtalǵan bolatyn. Biyl osyǵan bailanysty vedomstvoaralyq jumys toby qurylǵan. Komissiia uiymdastyrylyp, synamalar alyndy. Biraq kontsentratsiialardyń shekten shyǵýy dáleldengen joq. Biraq biz sonda da tiisti nusqaýlar berdik», - dedi vedomstvo ókili.
Sondai-aq, ol atalmysh aýmaqtaǵy jerasty sýynyń naqty qory áli naqtylanbaǵanyn aitty. Ol úshin biyl jergilikti ákimdik tapsyrysymen barlaý jumystary júrgizilip jatqan kórinedi.
«Kókjide ken orny eldiń batysyndaǵy eń iri sý qory bolyp esepteledi. Onyń áleýetin turǵyndardyń sapaly aýyz sýǵa tapshylyǵyn joiýǵa paidalanýǵa bolady. Aqtóbe oblysy ákimdiginiń tapsyrysy boiynsha «Aqpan» JShS Kókjide ken ornynyń qazirgi jaǵdaiyn zertteý maqsatynda jerasty sýlarynyń paidalanylatyn qorlaryn jete barlaý jáne qaita baǵalaý boiynsha jumystar júrgizip jatyr. 2021 jyldyń aiaǵyna qarai jerasty sýlarynyń qorlary qaita baǵalanady. Ken ornynyń ózekti kontýrlary aiqyndalady jáne naqty ekologiialyq júktemesi baǵalanady», - dedi Serikqali Brekeshev.
Onyń aitýynsha, qazirgi tańda atalmysh aýmaqta kómirsýtek óndiretin 8 kásiporyn barlaý jáne óndirý jumystaryn júrgizip jatyr.
«Jumys qorytyndylary boiynsha ken ornynyń jerasty sýlarynyń yqtimal lastanýyna jol bermeý jónindegi sharalar kesheni ázirlenetin bolady», - dedi vitse ministr.
