Resei Federatsiiasynan Batys Qazaqstan oblysyna 131 mln tekshe metr Edil sýyn alýǵa qosymsha 3,5 mlrd teńge qarajat bólý máselesi 2021 jylǵa arnalǵan respýblikalyq biýdjetti birinshi naqtylaý kezinde qarastyrylady. Bul týraly QR Premer-Ministri Asqar Maminniń senatorlardyń depýtattyq saýalyna bergen jaýabynda aitylǵan, dep habarlaidy QazAqparat.
«Jyl saiyn Resei Federatsiiasynyń Úkimeti men Qazaqstan Respýblikasynyń Úkimeti arasyndaǵy Transshekaralyq sý obektilerin birlesip paidalaný jáne qorǵaý týraly kelisimniń negizinde halyqty sýmen qamtamasyz etýdi jaqsartý jáne mejeli kezeńde qalypty ekologiialyq jaǵdaidy saqtaý maqsatynda respýblikalyq biýdjetten Edil sýyn mashinamen berý shyǵyndaryn óteýge qarajat bólinedi. 2015 jyldan bastap Qazaqstan Respýblikasy men Resei Federatsiiasy arasynda Úlken jáne Kishi ózenderine tastalatyn sý kólemi kestege sáikes 107 mln tekshe metr bolyp bekitildi», - dep atap ótedi Úkimet basshysy.
Onyń atap ótýinshe, 2020 jyly sýdyń azdyǵyna jáne sýdyń jetispeýshiligine bailanysty Úlken jáne Kishi ózenderindegi sý kóleminiń tapshylyǵyn toltyrý úshin 35 mln tekshe metr Edil sýyn satyp alý qajettigi týyndap, osy máseleni sheshýge qosymsha 993,1 mln teńge bólindi.
«Qazirgi ýaqytta Resei Federatsiiasynan Edil sýyn mashinalyq ádispen Batys Qazaqstan oblysyna berý úshin 3,5 mlrd teńge somasynda qosymsha qarjy qarajatyn bólý týraly biýdjettik ótinim qalyptastyryldy. Joǵaryda baiandalǵannyń negizinde sý jiberý kólemin 3,5 mlrd teńge somasyna 131 mln tekshe metrge ulǵaitý máselesi biýdjettiń múmkindikterin eskere otyryp, 2021 jylǵa arnalǵan respýblikalyq biýdjetti birinshi naqtylaý kezinde qarastyrylatyn bolady», - dedi Asqar Mamin.
