رەسەي فەدەراتسيياسىنان باتىس قازاقستان وبلىسىنا 131 ملن تەكشە مەتر ەدٸل سۋىن الۋعا قوسىمشا 3,5 ملرد تەڭگە قاراجات بٶلۋ مەسەلەسٸ 2021 جىلعا ارنالعان رەسپۋبليكالىق بيۋدجەتتٸ بٸرٸنشٸ ناقتىلاۋ كەزٸندە قاراستىرىلادى. بۇل تۋرالى قر پرەمەر-مينيسترٸ اسقار ماميننٸڭ سەناتورلاردىڭ دەپۋتاتتىق ساۋالىنا بەرگەن جاۋابىندا ايتىلعان, دەپ حابارلايدى قازاقپارات.
«جىل سايىن رەسەي فەدەراتسيياسىنىڭ ٷكٸمەتٸ مەن قازاقستان رەسپۋبليكاسىنىڭ ٷكٸمەتٸ اراسىنداعى ترانسشەكارالىق سۋ وبەكتٸلەرٸن بٸرلەسٸپ پايدالانۋ جەنە قورعاۋ تۋرالى كەلٸسٸمنٸڭ نەگٸزٸندە حالىقتى سۋمەن قامتاماسىز ەتۋدٸ جاقسارتۋ جەنە مەجەلٸ كەزەڭدە قالىپتى ەكولوگييالىق جاعدايدى ساقتاۋ ماقساتىندا رەسپۋبليكالىق بيۋدجەتتەن ەدٸل سۋىن ماشينامەن بەرۋ شىعىندارىن ٶتەۋگە قاراجات بٶلٸنەدٸ. 2015 جىلدان باستاپ قازاقستان رەسپۋبليكاسى مەن رەسەي فەدەراتسيياسى اراسىندا ٷلكەن جەنە كٸشٸ ٶزەندەرٸنە تاستالاتىن سۋ كٶلەمٸ كەستەگە سەيكەس 107 ملن تەكشە مەتر بولىپ بەكٸتٸلدٸ», - دەپ اتاپ ٶتەدٸ ٷكٸمەت باسشىسى.
ونىڭ اتاپ ٶتۋٸنشە, 2020 جىلى سۋدىڭ ازدىعىنا جەنە سۋدىڭ جەتٸسپەۋشٸلٸگٸنە بايلانىستى ٷلكەن جەنە كٸشٸ ٶزەندەرٸندەگٸ سۋ كٶلەمٸنٸڭ تاپشىلىعىن تولتىرۋ ٷشٸن 35 ملن تەكشە مەتر ەدٸل سۋىن ساتىپ الۋ قاجەتتٸگٸ تۋىنداپ, وسى مەسەلەنٸ شەشۋگە قوسىمشا 993,1 ملن تەڭگە بٶلٸندٸ.
«قازٸرگٸ ۋاقىتتا رەسەي فەدەراتسيياسىنان ەدٸل سۋىن ماشينالىق ەدٸسپەن باتىس قازاقستان وبلىسىنا بەرۋ ٷشٸن 3,5 ملرد تەڭگە سوماسىندا قوسىمشا قارجى قاراجاتىن بٶلۋ تۋرالى بيۋدجەتتٸك ٶتٸنٸم قالىپتاستىرىلدى. جوعارىدا باياندالعاننىڭ نەگٸزٸندە سۋ جٸبەرۋ كٶلەمٸن 3,5 ملرد تەڭگە سوماسىنا 131 ملن تەكشە مەترگە ۇلعايتۋ مەسەلەسٸ بيۋدجەتتٸڭ مٷمكٸندٸكتەرٸن ەسكەرە وتىرىپ, 2021 جىلعا ارنالعان رەسپۋبليكالىق بيۋدجەتتٸ بٸرٸنشٸ ناقتىلاۋ كەزٸندە قاراستىرىلاتىن بولادى», - دەدٸ اسقار مامين.
