BQO-nyń Jańaqala aýdanynda 160 oryndyq dene shynyqtyrý-saýyqtyrý kesheni paidalanýǵa berildi, dep habarlaidy "Ult aqparat".
Onyń ashylý rásimine qatysqan oblys ákimi Ǵali Esqaliev Qazaqstan Prezidenti Qasym-Jomart Toqaevtyń tapsyrmasyna sáikes óńir aýdandarynda osyndai keshenderdiń salynyp jatqandyǵyn atap ótti.
«Ár memleket sportpen ainalysqy keletin adamdarǵa tolyq jaǵdai jasaýy kerek. Ásirese, jas urpaqtyń deni saý, rýhy biik bolyp ósse, el bolashaǵy da jarqyn bola túspek. Osyny eskere otyryp, budan bir jyl buryn Memleket basshysy oblystyń ár aýdanynda zamanaýi sport keshenin salýdy tapsyrǵan bolatyn. Qazirgi tańda birden alty aýdanda, atap aitqanda, Aqjaiyq, Bókei ordasy, Jánibek, Qaztalov, Terekti jáne Shyńǵyrlaýda osyndai ǵimarattar boi kóterýde. Búgin Jańaqalada jańa keshenniń paidalanýǵa berilýi dańqty sportshy-bapkerleri bar, dástúri bai aýdanda sportty odan ári damytýǵa múmkindik beredi», dedi óńir basshysy.
