Batys Qazaqstan oblysynda úsh jeńil kólik qar qursaýynda qaldy, dep habarlaidy "Ult aqparat".
BQO TJ departamentiniń baspasóz qyzmeti málim etkenindei, oqiǵa 5 naýryz kúni Qaratóbe aýdanynda boldy.
Qaratóbe-Qaldyǵaity tas jolynda Qaratóbe aýylynan 22 shaqyrym jerde úsh jeńil kólik qar qursaýynan shyǵa almai, qalyp qoiǵan.
Saǵat 04.00-de TJD kúshimen (5 qyzmetker, 1 tehnika) jeńil kólikterdegi 11 adam Qaratóbe aýylyna evakýatsiialandy. 11 adamnyń bireýi – bala. Olar meditsinalyq kómekti qajetsinbedi.
BQO TJ departamenti búgin respýblikalyq mańyzy bar Samara-Shymkent jolynyń ashyq, al Oral-Tasqala-RF shekarasy trassasy jabyq ekendigin jetkizdi.
Eske sala keteiik, budan buryn Oralda balalar mingen 2 mektep avtobýsy qar qursaýynda qalǵanyn, BQO trassasynda júk kóliginiń tirkemesi janyp ketkeninjazǵan bolatynbyz.
