Batys Qazaqstan oblysynda sońǵy tórt kúnde 430 adamnan koronavirýs tabyldy, dep habarlaidy "Ult aqparat".
BQO sanitarlyq-epidemiologiialyq baqylaý departamenti málim etkenindei, sonyń teń jartysyna jýyǵy nemese 208-i Oral qalasynda tirkelgen.
Sondai-aq indet Bórli (74) jáne Báiterek (62) aýdandarynda órship ketip otyr. Tórt kúnde Terektide 23, Syrym men Qaztalovta 13, Tasqalada 9 adamnyń aýyrǵany tirkeldi.
Departament málimetine qaraǵanda, 430 adamnyń 357-sinde aýrý belgileri bolsa, 173-inde simptomsyz ótýde. 202-sinen JRVI belgileri boiynsha tekserilgen kezde anyqtalsa, 149 adam buryn aýyrǵandarmen qarym-qatynasta bolǵan. Oǵan qosa profilaktikalyq maqsatta qaralǵan 72, statsionarǵa jatqyzý aldynda synama alynǵan 7 adamnan koronavirýs tabyldy.
Indet bastalǵannan beri óńirde 15576 adam syrqattansa, sonyń 12516-sy jazylyp shyqty. 246 adam kóz jumdy.
Eske sala keteiik, budan buryn Oralda bir kúnde 100-den astam politsiia qyzmetkeriniń ekpe saldyrǵanyn jazǵan bolatynbyz.
