kórneki sýret
Batys Qazaqstan oblysynda tasqyn sý aýyl shetindegi ótkeldi shaiyp ketti, dep habarlaidy QazAqparat.
Qaratóbe aýdanynyń ákimi Qadyrjan Súieýǵalievtiń málim etkenindei, oqiǵa 30 naýryz kúni Qarakól aýyldyq okrýgi Aqtaisai aýylynda boldy.
Ákimniń aitýynsha, aýa raiy kúrt jylynyp, qardyń erýi saldarynan Taian ózeni arnasyndaǵy sý kóterilgen. Taian óz arnasynyń baǵytymen Qýaǵashqa, al Qýaǵash Jaqsybai ózenine quiady.
«Tasyǵan sý ekpini saǵat 17.20-da Aqtaisai aýylynyń kireberisindegi Jaqsybai ózeninen ótetin ótkeldi (60 metr) tolyǵymen buzyp, shaiyp ótti. Tasqynnan eldi mekenge qaýip joq», - dedi Súieýǵaliev.
