Batys Qazaqstan oblysynda sońǵy tórt kúnde 463 adamnan koronavirýs anyqtaldy, dep habarlaidy "Ult aqparat".
BQO sanitarlyq-epidemiologiialyq baqylaý departamenti málim etkenindei, sonyń 322-sinde aýrý belgileri bolsa, qalǵan 141-inde koronavirýs simptomsyz ótýde.
11-14 sáýir aralyǵynda JRVI belgilerimen tekserilgen 265, buryn aýyrǵandarmen qarym-qatynasta bolǵan 143, profilaktikalyq maqsatta qaralǵan 48 jáne statsionarǵa jatqyzar aldynda synama alynǵan 7 adamnan indet tabyldy.
Aýyrǵandardyń basym kópshiligi (257) Oral qalasynyń úlesine tiedi. Sondai-aq tórt kúnde Báiterek aýdanynda 84, Bórlide 40, Shyńǵyrlaýda 32, Terektide 19, Qaztalovta 15 adamnan koronavirýs anyqtaldy.
Indet bastalǵannan beri oblys boiynsha 16730 adam syrqattansa, sonyń 13388-i jazylyp shyqty. 259 adam ómirden ozdy.
Oral qalasynda koronavirýs juqtyrǵandardyń jalpy sany 9606, Bórli aýdanynda 1782, Báiterekte 1764-ke jetti.
