Videodan kadr: t.me/POLICE_of_KZ
Batys Qazaqstanda politsiia qyzmetkerleri qylmystyq topty ustady, dep habarlaidy "Ult aqparat" IIM baspasóz qyzmetine silteme jasap.
"Uiymdasqan qylmysqa qarsy kúres basqarmasynyń qyzmetkerleri Oral qalasynda balyq pen bekire tuqymdas balyqtardyń ýyldyryǵyn satýmen ainalysatyn zańsyz arnany anyqtady.
Qylmystyq top balyq ónimderin jalǵan qujattarmen Oral qalasyndaǵy ortalyq bazarlarǵa ákelip satqan.
1520,55 keli bekire balyǵy, 27,3 keli qyzyl jáne 1,25 keli qara ýyldyryq, sondai-aq 2 mln 705 myń teńge jáne 35,8 myń rýbl, tapansha, oq-dáriler, elektrondy tarazy, pyshaq, dúrbi tárkilendi" - delingen habarlamada.
Vedomstvo málimetinshe, ustalǵan azamattar Batys Qazaqstan oblysynyń turǵyndary ekeni anyqtaldy. QR QK-niń 339-baby 2-bóligi boiynsha sotqa deiingi terep-tekserý jumystary bastaldy. Zań buzǵandarǵa qatysty qozǵalǵan is jan-jaqty tekserilip jatyr.
