Batys Qazaqstan oblysynda qarasha aiynda 68 bala koronavirýs juqtyrdy, dep habarlaidy "Ult aqparat".
BQO densaýlyq saqtaý basqarmasynyń baspasóz qyzmeti málim etkenindei, 18 qarashadaǵy málimet boiynsha, KVI anyqtalǵan 65 balanyń 61-i – mektep oqýshysy, jeteýi – balabaqsha tárbielenýshisi.
Qyrkúiek aiynda 4, qazanda 5 oqýshy jáne 2 balabaqsha búldirshini aýyrǵan bolatyn. Bul qarasha aiynda indettiń órship ketkendigin kórsetedi. Balalardyń bári de aýrýdy otbasy múshelerinen juqtyrǵan.
Oblysta sońǵy táýlikte 37 adamnan koronavirýs tabyldy.
Indet bastalǵannan beri aýyrǵandar sany 7564-ke jetti.
Pnevmoniiaǵa shaldyqqan 94 adam statsionarda, 38-i ambýlatorlyq em alýda.
Ókpeni jasandy jeldetý apparatyna 2, ottegi kontsentratoryna 2 adam qosylǵan.
Juqpaly aýrýlar aýrýhanalarynda 120, karantindik statsionarda 39 adam jatyr. 8 adam jansaqtaý bóliminde.
