Batys Qazaqstan oblysynda 710 tósektik 9 infektsiialyq statsionarda 483 adam jatyr, dep habarlaidy "Ult aqparat".
BQO densaýlyq saqtaý basqarmasy málim etkenindei, juqpaly aýrýlar aýrýhanalary 68 paiyzǵa tolǵan.
Sonyń ishinde 28 adam jansaqtaý bólimshesinde em alýda.
Oblysta bir aptada koronavirýs juqtyrǵandar sany 754-ke jetti.
Pnevmoniiaǵa shaldyqqandardyń 411-i statsionarda, 52-si ambýlatorlyq em alýda.
Invazivti tynys alý apparatyna 2, invazivti emes osyndai qurylǵyǵa 10, ottegi kontsentratoryna 39, ortalyqtandyrylǵan ottegi kózine 129 adam qosylǵan.
Jyl basynan beri 487 bala koronavirýs juqtyrdy.
Iri kásiporyndardan Chinarev munaigazkondensaty kenishindegi «Jaiyqmunai» JShS-da biyl 37 adamnan indet tabyldy.
Sondai-aq Qarashyǵanaq kenishin igerip jatqan «QPO b.v.» kompaniiasynda jyl basynan beri koronavirýs juqtyrǵan 77 adam tirkeldi.
Oblys boiynsha osy kezge deiin 9249 adam vaktsinanyń birinshi, 2690-sy ekinshi komponentimen egilip úlgerdi.
Eske sala keteiik, budan buryn Oralda sońǵy tórt kúnde 235 adamnyń koronavirýs juqtyrǵanyn jazǵan bolatynbyz.
