باتىس قازاقستان وبلىسىندا 710 تٶسەكتٸك 9 ينفەكتسييالىق ستاتسيوناردا 483 ادام جاتىر, دەپ حابارلايدى "ۇلت اقپارات".
بقو دەنساۋلىق ساقتاۋ باسقارماسى مەلٸم ەتكەنٸندەي, جۇقپالى اۋرۋلار اۋرۋحانالارى 68 پايىزعا تولعان.
سونىڭ ٸشٸندە 28 ادام جانساقتاۋ بٶلٸمشەسٸندە ەم الۋدا.
وبلىستا بٸر اپتادا كوروناۆيرۋس جۇقتىرعاندار سانى 754-كە جەتتٸ.
پنەۆمونيياعا شالدىققانداردىڭ 411-ٸ ستاتسيوناردا, 52-سٸ امبۋلاتورلىق ەم الۋدا.
ينۆازيۆتٸ تىنىس الۋ اپپاراتىنا 2, ينۆازيۆتٸ ەمەس وسىنداي قۇرىلعىعا 10, وتتەگٸ كونتسەنتراتورىنا 39, ورتالىقتاندىرىلعان وتتەگٸ كٶزٸنە 129 ادام قوسىلعان.
جىل باسىنان بەرٸ 487 بالا كوروناۆيرۋس جۇقتىردى.
ٸرٸ كەسٸپورىنداردان چينارەۆ مۇنايگازكوندەنساتى كەنٸشٸندەگٸ «جايىقمۇناي» جشس-دا بيىل 37 ادامنان ٸندەت تابىلدى.
سونداي-اق قاراشىعاناق كەنٸشٸن يگەرٸپ جاتقان «قپو ب.ۆ.» كومپانيياسىندا جىل باسىنان بەرٸ كوروناۆيرۋس جۇقتىرعان 77 ادام تٸركەلدٸ.
وبلىس بويىنشا وسى كەزگە دەيٸن 9249 ادام ۆاكتسينانىڭ بٸرٸنشٸ, 2690-سى ەكٸنشٸ كومپونەنتٸمەن ەگٸلٸپ ٷلگەردٸ.
ەسكە سالا كەتەيٸك, بۇدان بۇرىن ورالدا سوڭعى تٶرت كٷندە 235 ادامنىڭ كوروناۆيرۋس جۇقتىرعانىن جازعان بولاتىنبىز.
