Batys Qazaqstan oblysynda erigen qar sýy joldy shaiyp ketti, dep habarlaidy QazAqparat.
BQO TJ departamentiniń baspasóz qyzmeti málim etkenindei, oqiǵa 24 aqpan kúni saǵat 18.30-da Bókei ordasy aýdany aýmaǵynda boldy.
Jergilikti atqarýshy organdardyń málimetine qaraǵanda, Uialy aýyly mańynda oblystyq mańyzy bar Chapaev-Jańaqala-Saiqyn jolynyń 157-inshi jáne 227-shaqyrymynda tez erigen qar sýy joldyń ústine shyǵyp ketti (uzyny 4-5 metr, tereńdigi 15-20 sm).
Sonyń saldarynan jol barlyq kólik túrleri úshin jabyldy.
Jergilikti atqarýshy organdar (9 qyzmetker, 2 tehnika) jáne «Jolaýshy-jol» JShS (20 qyzmetker, 4 tehnika) kúshimen inertti material salynǵan 40 qap tóselip, táýlik boiy kezekshilik uiymdastyryldy.
Atqarylǵan jumystar nátijesinde joldyń 157-shaqyrymynda sýdyń joldan asyp túsýi toqtady.
25 aqpan kúni joldy qalpyna keltirý jumystary jalǵasatyn bolady.
