Batys Qazaqstan oblysynda eki avtokólik muzdyń astyna túsip ketti, dep habarlaidy "Ult aqparat".
BQO TJ departamentiniń baspasóz qyzmeti málim etkendei, oqiǵa Aqjaiyq aýdany Qabyrshaqty aýyly mańynda bolǵan.
Búgin saǵat 11.06-da Kóshim kanalyna Mitsubishi Pajero avtokóliginiń muzdyń astyna túsip ketkeni jóninde habar jetken.
Negizi avtokólik túnde batqan, abyroi bolǵanda, balyqshylar shyǵyp úlgergen.
Oqiǵa ornynda qutqarýshylar jumys jasap jatqan kezde saǵat 13.48-de ÝAZ Patriot avtokóliginiń muz astyna túsip ketkeni jóninde habar kelgen.
Qutqarýshylar avtokólikten eki adamdy alyp shyqty. Bular da balyqshylar bolyp shyqty.
Eki oqiǵadan da zardap shekkender joq.
BQO TJ departamenti turǵyndarǵa muz ústine shyqqan kezde, ásirese, qazirgidei kóktemgi ýaqytta asa saq bolyp, qaýipsizdik sharalaryn buljytpai saqtaý kerektigin eske salady.
