باتىس قازاقستان وبلىسىندا ەكٸ اۆتوكٶلٸك مۇزدىڭ استىنا تٷسٸپ كەتتٸ, دەپ حابارلايدى "ۇلت اقپارات".
بقو تج دەپارتامەنتٸنٸڭ باسپاسٶز قىزمەتٸ مەلٸم ەتكەندەي, وقيعا اقجايىق اۋدانى قابىرشاقتى اۋىلى ماڭىندا بولعان.
بٷگٸن ساعات 11.06-دا كٶشٸم كانالىنا Mitsubishi Pajero اۆتوكٶلٸگٸنٸڭ مۇزدىڭ استىنا تٷسٸپ كەتكەنٸ جٶنٸندە حابار جەتكەن.
نەگٸزٸ اۆتوكٶلٸك تٷندە باتقان, ابىروي بولعاندا, بالىقشىلار شىعىپ ٷلگەرگەن.
وقيعا ورنىندا قۇتقارۋشىلار جۇمىس جاساپ جاتقان كەزدە ساعات 13.48-دە ۋاز پاتريوت اۆتوكٶلٸگٸنٸڭ مۇز استىنا تٷسٸپ كەتكەنٸ جٶنٸندە حابار كەلگەن.
قۇتقارۋشىلار اۆتوكٶلٸكتەن ەكٸ ادامدى الىپ شىقتى. بۇلار دا بالىقشىلار بولىپ شىقتى.
ەكٸ وقيعادان دا زارداپ شەككەندەر جوق.
بقو تج دەپارتامەنتٸ تۇرعىندارعا مۇز ٷستٸنە شىققان كەزدە, ەسٸرەسە, قازٸرگٸدەي كٶكتەمگٸ ۋاقىتتا اسا ساق بولىپ, قاۋٸپسٸزدٸك شارالارىن بۇلجىتپاي ساقتاۋ كەرەكتٸگٸن ەسكە سالادى.
