Batys Qazaqstan oblysynda 252 310 adam vaktsinanyń birinshi komponentimen egildi, dep habarlaidy QazAqparat.
BQO densaýlyq saqtaý basqarmasy málim etkenindei, bul – egilýge tiisti turǵyndardyń (414 389) 60,9 paiyzy.
Sonyń 180 245-i «Spýtnik V», 18 541-i «QazVac», 24 993-i «Hayat-Vax», 7 720-sy «Corona-Vac», 20 811-i «Vero Cell» vaktsinasyn tańdady.
Sondai-aq 237 275 adam (57,3 paiyzy) ekinshi komponentpen egilip úlgerdi.
Kúni búgin oblysta 82 838 doza I, 102 465 doza II komponent bar.
Sonymen qatar 4635 adam revaktsinatsiiadan ótti. 3740 adam Pfizer kompaniiasynyń ekpesin saldyrsa, sonyń 2208-i –jasóspirimder, 102-si – júkti, 1430-y – bala emizetin áielder.
Basqarma málimeti boiynsha pandemiia bastalǵannan beri 39 931, biyl 30 710 adamnan koronavirýs tabyldy.
Sońǵy aptada aldyńǵymen salystyrǵanda, indet juqtyrý kórsetkishi 12,1 paiyzǵa (13 naýqasqa) kemidi.
Jyl basynan beri aýyrǵan 3025 balanyń 3008-i jazylyp shyqty. 17-si saýyǵý ústinde.
Biylǵy oqý jyly bastalǵannan beri 902 oqýshydan koronavirýs anyqtaldy.
Kúni búgin ambýlatorlyq em alyp jatqan 286 naýqas bolsa, sonyń 76 paiyzynda aýrý jeńil ótýde. 4 paiyzynyń jaǵdaiy ortasha, 20 paiyzy – simptomy joqtar.
Oblysta 610 tósektik 11 infektsiialyq statsionar jumys isteýde. Aýrýhanalarda jatqan 99 naýqastyń 12-si jansaqtaý bólimshelerinde. Sonyń ishinde ekeýi invazivti jasandy tynys alý apparatyna, beseýi invazivti emes osyndai qurylǵyǵa, taǵy beseýi ottegi kontsentratoryna qosylǵan.
Jyl basynan 675, jeltoqsan aiynda 6 adam koronavirýstan kóz jumdy.
