Batys Qazaqstan oblysynda sońǵy aptada 932 adam koronavirýs juqtyrdy, dep habarlaidy "Ult aqparat".
BQO densaýlyq saqtaý basqarmasy málim etkenindei, sońǵy táýlikte 129 adamnan indet tabyldy.
Oblysta pnevmoniiaǵa shaldyqqan 430 adam statsionarlarda emdelýde.
Kúni búgin invazivti emes jasandy tynys alý apparatyna 19, ottegi kontsentratoryna 23, ortalyqtandyrylǵan ottegi kózine 139 naýqas qosylǵan.
Basqarma málimetine qaraǵanda, óńirde 1123 tósektik 18 infektsiialyq statsionarda 570 adam em qabyldaýda. Sonyń ishinde 40-y 65 tósektik jansaqtaý bólimshesinde jatyr.
Sondai-aq 195 tósektik 4 karantindik statsionarda 11 adam em alýda.
Ótken jyldyń qyrkúieginen beri 1014, sonyń ishinde biyl 809 baladan koronavirýs tabyldy.
Indet bastalǵannan beri oblysta 19809 naýqas (11372-siniń aýrý belgileri bar, 8437-siniń simptomy joq) tirkelse, sonyń 15506-sy jazylyp shyqty. 289 adam kóz jumdy.
