Foto: mgorod.kz
Batys Qazaqstan oblysy Aqsai qalasynda balalardy ańdyǵan er adam ustaldy, dep habarlaidy Sputnik Qazaqstan oblystyq politsiia departamentiniń baspasóz qyzmetine silteme jasap.
24 mamyrda áleýmettik jelilerde Aqsai qalasynda belgisiz er adamnyń oiyn alańyndaǵy balalardy baqylap, olarmen sóilesýge tyrysqany jaily video tarady.
"Oqiǵa ornyna dereý ýchaskelik politsiia inspektory jiberilip, 1978 jylǵy azamatty tekserý kezinde odan pyshaq tabylyp, tárkilendi. Meditsinalyq saraptama qortyndysyna sáikes ol esirtkige mas bolǵan. Er adam Aqsai qalasynyń ýaqytsha beiimdeý ortalyǵyna ornalastyrylyp, bir táýlik ótkennen keiin bosatyldy", - deidi vedomstvo.
Al kelesi kúni 25 mamyrda Aqsai qalasyndaǵy 10-shy shaǵyn aýdan turǵyndarynan bul adamnyń taǵy da aýlalardy aralap júrgeni týraly shaǵymdar túse bastaǵan.
"Politsiia 1978 jyly týǵan turǵyndy meditsinalyq tekserýden ótý úshin Bórli aýdandyq aýrýhanasyna jetkizdi, onyń nátijesi boiynsha ol Oral qalasyndaǵy oblystyq psihikalyq-densaýlyq ortalyǵyna jetkizilip, baqylaýǵa alyndy. Oǵan "Shizofreniia belgileri joq TBI fonyndaǵy psihikalyq jáne minez-qulyq ózgeristeri" diagnozy qoiyldy", - deidi politsiia.
Tártip saqshylarynyń aitýynsha, er adamnyń shalbaryn sheshkeni týraly aqparat joq.
"Shalbarǵa qatysty aqparat tekserilip jatyr, turǵyndardan bul boiynsha aryz-shaǵym túspedi. Ustalǵan turǵyn buryn qylmystyq jáne ákimshilik jaýapkershilikke tartylmaǵan, sondai-aq psihoortalyq pen esirtki boiynsha esepke alynbaǵan. Osy fakti boiynsha Bórli APb-da QR QK 124-babynyń 1-tarmaǵy "Jas balaǵa qatysty kúsh qoldanbai azǵyndyq áreketter jasaý"" boiynsha tergeý júrip jatyr", - deidi Batys Qazaqstan oblystyq PD baspasóz qyzmeti.
