Batys Qazaqstan oblysynda baqtashy 36 dana kiik múiizimen ustaldy, dep habarlaidy "Ult aqparat".
BQO politsiia departamentiniń baspasóz qyzmeti málim etkendei, óńirde 18 qańtar – 1 aqpan aralyǵynda «Brakoner» jedel aldyn alý is-sharasy júrgizilýde.
«Ohotzooprom» ÓB» RMQK inspektorlary men Jánibek aýdany politsiia bólimi birlesip júrgizgen reidtik is-sharalar kezinde Borsy aýyldyq okrýgindegi qystaq mańynda sharýa qojalyqtarynyń birinde malshy bolyp jumys isteitin 27 jastaǵy turǵyn qolǵa tústi.
Odan 36 dana kiik múiizi tárkilenip, sot-biologiialyq saraptamaǵa jiberildi.
Osyndai oqiǵa kórshiles Bókei ordasy aýdanynda da boldy. «Qurmanǵazy» qystaǵy mańynda qos múiizi bar kiiktiń basyn zańsyz tasymaldaǵan 1990 jylǵy turǵyn ustaldy.
Qazirgi kezde eki oqiǵa boiynsha da QR QK 339-baby 1-1-bóligine sáikes sotqa deiingi tergeý amaldary júrgizilýde.
