Batys Qazaqstan oblysynda alpystan astam avtokólik qar qursaýynan shyǵaryldy, dep habarlaidy "Ult aqparat".
BQO tótenshe jaǵdailar departamentinen túsken málimetke qaraǵanda, keshe saǵat 21.00-den bastap Tasqala aýdanynda Oral-Saratov, Tasqala-Aqqýrai, sondai-aq Peremetnyi-Ozernyi joldarynda barlyǵy 61 kólikke kómek kórsetildi.
Onyń 38-i - jeńil, 22-si - júk kólikteri, bireýi - jolaýshylar avtobýsy. Bul kólikterde barlyǵy 211 adam bolǵan.
Eske sala keteiik, budan buryn óńirde boranǵa bailanysty joldar jabylǵan bolatyn. TJ departamentiniń habarlaýynsha, barlyq oblystyq mańyzy bar jáne respýblikalyq Oral-Samara, Oral-Saratov (Peremetnyidan bastap) baǵytyndaǵy joldar áli ashylǵan joq.
