Batys Qazaqstan oblysynda 5824 adam koronavirýs indetinen jazylyp shyqty, dep habarlaidy "Ult aqparat".
BQO taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmeti málim etkenindei, óńirde kúni búginge deiin 6690 naýqas tirkeldi.
Sonyń 3283-inde aýrý belgileri anyq baiqalsa, 3407-siniń eshqandai simptomdary joq.
Oblysta 5824 adam emdelip shyqsa, ókinishke qarai, 86 naýqas kóz jumdy.
1-23 tamyz aralyǵynda 444 adamnyń koronavirýs juqtyrǵany tirkelse, sonyń ishinde 287-si (64,6 paiyz) JRVJ belgilerimen dárigerge júgingen. 78 naýqas (17,5 paiyz) – buryn aýyrǵandarmen qarym-qatynasta bolǵandar. 57 emdelýshiden (12,8 paiyz) profilaktikalyq maqsatta, 22-sinen (4,9 paiyz) epidemiologiialyq qadaǵalaý boiynsha synama alynǵan.
23 tamyz kúni oblysta 13 adamnyń aýyrǵany anyqtalsa, olardyń bári de – Oral qalasynyń turǵyndary. Bul kúni oblys aýdandarynda dert tirkelgen joq.
Syrqattanýshylar da kemip, ósim keshe 0,1 paiyzdy kórsetti.
