باتىس قازاقستان وبلىسىندا 5824 ادام كوروناۆيرۋس ٸندەتٸنەن جازىلىپ شىقتى, دەپ حابارلايدى "ۇلت اقپارات".
بقو تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ باسپاسٶز قىزمەتٸ مەلٸم ەتكەنٸندەي, ٶڭٸردە كٷنٸ بٷگٸنگە دەيٸن 6690 ناۋقاس تٸركەلدٸ.
سونىڭ 3283-ٸندە اۋرۋ بەلگٸلەرٸ انىق بايقالسا, 3407-سٸنٸڭ ەشقانداي سيمپتومدارى جوق.
وبلىستا 5824 ادام ەمدەلٸپ شىقسا, ٶكٸنٸشكە قاراي, 86 ناۋقاس كٶز جۇمدى.
1-23 تامىز ارالىعىندا 444 ادامنىڭ كوروناۆيرۋس جۇقتىرعانى تٸركەلسە, سونىڭ ٸشٸندە 287-سٸ (64,6 پايىز) جرۆج بەلگٸلەرٸمەن دەرٸگەرگە جٷگٸنگەن. 78 ناۋقاس (17,5 پايىز) – بۇرىن اۋىرعاندارمەن قارىم-قاتىناستا بولعاندار. 57 ەمدەلۋشٸدەن (12,8 پايىز) پروفيلاكتيكالىق ماقساتتا, 22-سٸنەن (4,9 پايىز) ەپيدەميولوگييالىق قاداعالاۋ بويىنشا سىناما الىنعان.
23 تامىز كٷنٸ وبلىستا 13 ادامنىڭ اۋىرعانى انىقتالسا, ولاردىڭ بەرٸ دە – ورال قالاسىنىڭ تۇرعىندارى. بۇل كٷنٸ وبلىس اۋداندارىندا دەرت تٸركەلگەن جوق.
سىرقاتتانۋشىلار دا كەمٸپ, ٶسٸم كەشە 0,1 پايىزدى كٶرسەتتٸ.
